Ditën e shtunë, më datë 11/04/2026, Qendra Minber në bashkëpunim me Agjencinë Turke për Zhvillim dhe Koordinim, organizoi konferencën shkencore ndërkombëtare “Në gjurmët e trashëgimisë: Dijetarët Shqiptarë të periudhës osmane”. Pjesëmarrës në këtë konferencë ishin një sërë akademikësh dhe personalitetesh të tjera. Konferenca “Në gjurmët e Trashëgimisë” u fokusua më së pari te kontributi i dijetarëve shqiptarë dhe tek qasjet e tyre lidhur me sfidat e kohës. Në këtë kuadër, u prezantuan një numër punimesh akademike që synonin të trajtonin veprimtarinë e dijetarëve shqiptarë të periudhës osmane. Periudha osmane përfaqëson një nga momentet më të rëndësishme të historisë sonë, andaj është e rëndësishme që ajo të trajtohet me objektivitet dhe saktësi shkencore. Konferenca e sotme ishte një kontribut modest në këtë drejtim. Shpresojmë që kjo konferencë të shërbejë si një ogur për vazhdimësi dhe reflektime të mëtejshme.
Falenderojmë përzemërsisht të gjithë panelistët dhe pjesëmarrësit!
